文章分類: 自我生活 (東東楠楠~愛回家~)

怨言

joyce_lym — Fri, 23 Oct 2009 14:19:29 +0800

自問做足本分, 你唔得我頂住.頂到我見底先出聲話頂唔住. 到頭來我得到d咩野. 咪又係個句"個a/c 出左糧同無糧出分分, 你唔明的啦"

我明, 我點會唔明, 我幫你幫到盡. 我現在已經係"個a/c 出左糧同無糧出分分". 仲要比d咁的說話我聽! 真係心淡!! 我真心真意去幫咁又點, 邊個會領我情, 幫忙=應份!!!!

應份的應份的, 邊個應份鍚我, 邊個應份等我生活無憂....我唔介意自己比自己的生活所需, 我唔想我支持住你的生活時仲要聽你的"說話"

無論我做幾多付出幾多.... 都從來無人欣賞....

10年如一日的生活

joyce_lym — Mon, 07 Sep 2009 10:54:45 +0800

星期6無所事事, 回去10年前中學個度周圍下影相. 我一路行一路諗我的生活模式無咩野變化.

以前返學前買即煎三文治做早餐, 間唔中在小食部見到三色貓同佢玩下. 放學去漫畫店租書.

現在返工前買即煎三文治做早餐, 放工去漫畫店租書, 回家同東楠玩玩.

哈哈唔知過多2個10年我係咪到係咁生活呢

唉~ 好窮

joyce_lym — Fri, 04 Sep 2009 17:11:42 +0800

唉, 好窮, 真係係好鬼窮. 今年真係好窘迫我出來做野咁耐都未試過咁....東東楠楠真係要乖仔d千萬唔好病. 多D去向住門口招財[洗面仔], 唔好搞錯方向呀

執下個blog

joyce_lym — Sat, 29 Aug 2009 10:50:34 +0800

呢個Blog 我都係主要copy 我寫左hkcats 的東楠趣事. 但好似好耐無執靚下佢... 主要係我的電腦技術性問題.... 今日執好左上面張相.

我一路都想改做,要按入去先睇到全文, 我睇左好耐都唔知係邊度攪. 真係想屎

無啦啦變左白金卡

joyce_lym — Wed, 03 Jun 2009 12:47:26 +0800

而家D信用卡公司真係痴鬼線. 我明明申請普通卡, 到批左我收到時係白金卡
之後另一間又係咁, 用開普通卡夾硬寄新的白金卡比我. 仲要CUT 鬼左我張普通卡A/C.
我打電話去鬧人時, 佢地話: 我地有寄信邀請你成為白金卡會員, 你無反對所以改了做白金卡.
哦~ 無反對等於OK. 勁喎~

CUT 左的A/C NUMBER 無得要返. 咁PPS 個D又要再整過. 我頂!!!我D雞碎咁多人工都白金, D銀行批卡都無咩野要求喎

吵大鑊

joyce_lym — Thu, 19 Feb 2009 11:15:38 +0800

唉~ 一個星期都未過吵左2日了, 心都淡. 自己一個去24老麥坐下.多得老麥開24所以我唔洗坐公園. 反正都知自己唔會瞓得著. 所以帶左本漫畫去睇. 不其然想起呢首歌"主角愛我"

我從來都無失眠. 呢次都算第一次. 回到家中瞓交, 個人好累好累, 但又瞓唔著, 原來失眠係咁辛苦的. 早知找隻佛經PLAY 下啦. 一聽佛經實瞓得著.

今早仲要肚痛, ALL 左3次啦. 可能心情影響身體, 以前吵架都係只會胃痛. 今年可能D腸弱D, 所以今次玩肚ALL.... 唉~ 點番首歌比自己 "給自己的情書"

唔買野仲有野送?!

joyce_lym — Tue, 10 Feb 2009 16:11:04 +0800

哈哈星期日去行寵物店想買小食, 入到去原來成間都係買狗仔野. 咁老闆問我想買咩野. 我好自然話買貓食的蟹絲.

咁老闆話無入貨, 當然走啦. 走之前老闆送我一條貓食"姐"哩仔. 老闆好好人咁話見快到期唔好浪費送比我.

yeah~ 唔幫襯仲有野送. 真係好彩啦

舊同學

joyce_lym — Thu, 15 Jan 2009 11:05:10 +0800

同老公話我約左舊同學食飯. 老公第一句話: 你D舊同學咪得J同學, A同學&Q同學ja. 我話:今次唔係喎~ 今次約幾年無見的舊同學食飯

昨日同舊同學食飯. 好開心呀, 講下d陳年舊事. 又講下同邊個邊個有聯絡近況如何. 原來間中學快要清拆等我啦啦聲找日去拍下照留念下先

睇定先

joyce_lym — Wed, 14 Jan 2009 17:10:06 +0800

頭先無所事事, 上剛睇D寵物殯儀. 正常來說貓地會死得比我早, 所以睇下囉, 大吉利是!!要用都十幾年後的事囉. 原來有D尊比寵物的紙用品?!

又蛋糕, 又工人, 又屋. 好似人咁, 你喜歡的話仲可以請人來超度. oh　我真係out. 如果要我信的話, 我零願信佢地去左彩虹橋等我. 有朝一日我去左咪上去揾佢地囉.佢地唔會唔記得我掛?!

起身源動力

joyce_lym — Fri, 09 Jan 2009 12:44:31 +0800

天氣寒冷起身變得好有難度. 我唯有同自己講: 起身返工揾錢呀!! 我唔食我個2個大少都要食!!

2008年係我出來工作咁奈,歷年最霉的一年. 仲衰過沙士個年. 稅又要比物價又貴加人工又追唔到通漲!!

有壓力呀!!!! 要同自己打打氣加油呀~仲有東東楠楠靠哂我呀~~~

去舊迎新

joyce_lym — Wed, 31 Dec 2008 17:35:37 +0800

哈哈哈~ 懶惰的2008快過去, 我一睇成個幾月都無update 下. 係! 係我懶. 2009年我會努力update , 大家等我呀.

睇返2008年楠楠豬都好乖無病到, 致於東東豬"需"收尾星期日嘔左4次, 要睇醫生照左x-ray , 比左900個大洋, 錢事少好在東東無事.

我同老公都12月先大傷風. 都係"需"收尾. 希望2009健健康康, 財運亨通啦. Happy new year!!!

結婚週年禮物

joyce_lym — Mon, 17 Nov 2008 08:57:14 +0800

雖然未到結婚週年, 但老公昨日提早送左比我啦呵呵呵~~ 鑽石介子啦

好開心呀~ 我想要隻新介子好奈啦. 有新野帶 yeah

可惡的"褔"街同事

joyce_lym — Sat, 01 Nov 2008 11:11:57 +0800

呢個世界咩野人都有. 事源DEMO係跟點位走的. 呢位同"褔"街同事倒轉做. 我去問佢: 都唔對位.

唔認錯左!! 佢條粉腸仲頂番轉頭" 咁對啊嘛". 我話: 得你知之喎, 你咁做換轉對都可以的喎, 誰知你對那一邊.

之後同SALES 講番佢居然答: 個個人做事方式唔同我答: 係, 個個人做事方式唔同, 但個個同事之前比我的都是咁對位, 得佢唔同囉. 真係特別

唔識扮代表, 做錯又唔認. 又有SALES 包庇. 呢條"褔"街在之前的工作上接觸都是做錯野給我的. 佢給我的東西10次有10次錯.POST 又唔高過人, 有問題時又無人會話佢有問題. 好野!!! 勁呀!!!!

唔熟悉的工作

joyce_lym — Wed, 29 Oct 2008 10:46:04 +0800

頂~ 年年公司會展我都唔洗搞, 今年發温找我去搞美術. 美術係搞d咩野呢, 係搞包裝下我地的demo +demo的特性說明+ 整poster. 包裝的野靚唔靚好鬼主觀的嘛, 今次實又排比人玩.

今日終於比我找到整foam board + poster 的公司. 現在我才知到硬身背部有發保膠的東西叫foam board

次次一出,出幾篇

joyce_lym — Wed, 22 Oct 2008 16:08:44 +0800

大家都可能發覺, 我出貓地趣怪事都係一出出幾篇. 因為我主要都係上hkcats update 仔仔近況. 好多時我懶, 無copy 過來呢. 希望我可能乖d常update 個blog啦

近來我都有去海浪公園哈佬喂~ 好正呀. 我行行下突然會有隻鬼嚇下你. 好在我反應慢, 無點嚇到. 老公呢... 佢嚇到彈左下